महेन्द्र मुस्कान मगर 
कांग्रेस सभापति थापाले आफू मधेस पढ्न र बुझ्न सर्लाही आएको बताएका छन् । सर्लाही निर्वाचन क्षेत्र नं ४ का मतदातालाई सम्बोधन गर्दै सभापति थापाले आफूले सुनेको मधेस पढ्न र बुझ्न आएको बताएका हुन् । मधेसका साथीहरूले उत्साह देखेर आफूलाई उत्साहित बनाएको उनको भनाइ छ । ‘अब म यहाँको भाषा, रहनसहन, वेशभुषा, संस्कार संस्कृति सबै पढ्छु र सिक्छु । केही नेता साथीहरूले एक लाइन भए पनि स्थानीय भाषामा सम्बोधन गरिदिनु भन्नुभएको थियो’, उनले भने, ‘म दुई दिनको चटक देखाउन आएको हैन । त्यसैले सबै सिक्छु अनिमात्रै बोल्छु ।’
काठमाडौँ क्षेत्र नं ४ बाट प्रतिनिधि भएर मधेसका सवालहरू संसदमा धेरै पटक उठाएको उल्लेख गर्दै उहाँले यस पटक मधेस र मधेसका सवाल नजिकबाट बुझ्ने प्रतिबद्धता जनाए । एक पटक भए पनि मधेसप्रति समर्पित नभई मधेसमा आफू र आफूमा मधेस नल्याई सम्पूर्ण रुपमा नेपाली हुन नसक्ने ठानेर आफू मधेस झरेको उनले स्पष्ट पारेका छन् ।
हचुवाको भरमा आफ्ना क्षेत्रका मतदातालाई आश्वासन नबढ्ने भन्दै उनले आफ्ना विज्ञसमूह क्षेत्रको वस्तुस्थिति बुझ्ने कार्यमा खटिएको बताएका छन् । उक्त टिमले दिएको रिपोर्टअनुसार यहाँका जनताको लागि प्रतिबद्धता जाहेर गर्ने उनको भनाइ थियो । आफूले हुलाकी राजमार्गको यात्रा गर्दैगर्दा मधेसमा प्रशस्त सम्भावना देखेको भन्दै, यति धेरै सम्भावना भएका ठाउँहरूका नागरिक बेरोजगारी समस्यामा किन विदेशिन बाध्य छन्, भनेर थाहा पाएको सभापति थापाको भनाइ छ ।
काठमाडौं–४ नम्बर क्षेत्रबाट प्रतिनिधि भएर मधेसका सवालहरू संसदमा धेरैपटक उठाएको भन्दै उनले यसपटक मधेस र मधेसका सवाल नजिकबाट बुझ्न यहाँबाट उम्मेदवारी दिएको उल्लेख गरेका छन् ।
अपनत्वको झझल्को
सभापति थापाले मधेसको समस्याका बारेमा जसरी आफूलाई प्रस्तुत गरिरहेका छन् त्यसले उनी मधेसको अपनत्व लिएर अगाडि बढ्न खाजेको प्रष्ट हुन्छ । जसलाई उनले आफ्नो राजनीतिक सम्बोधनहरूमा समेत प्रष्टाएका छन् ।
प्रमुख दलहरूको कुनै पनि नेताले अहिलेसम्म मधेसको बारेमा यसरी खुलेर बहस, संवाद तथा सार्वजनिक अभिव्यक्तिहरू सार्वजनिक गरेका थिएनन् । यसले आउँदो निर्वाचनमा सर्लाहीबाट उम्मेदवार बनेका कांग्रेस सभापति थापा कतै मधेसलाई पार्टीको मूल प्रवाहीकरण गर्दै अपनत्व ग्रहण त गर्न लागेका छैनन् ? अवस्था त्यस्तै देखिन थालेको छ ।
प्रतिक्रिया दिनुहोस्