कथावाचिका राधिका दासीको चरित्र हत्या गरेको आरोपमा वेदिका केसी पक्राउ : प्रमाणबिनाको आरोपले देशभर चर्कियो बहस

धर्मका नाममा हुने बेथिति र अन्धविश्वासविरुद्ध खरो रूपमा प्रस्तुत हुँदै आएकी सामाजिक अभियान्ता वेदिका केसीलाई नेपाल प्रहरीको साइबर ब्युरोले काठमाडौँबाट नियन्त्रणमा लिएको छ । कथावाचिका राधिका दासीको चरित्र हत्या गरेको र अघोषित श्रीमान रहेको भन्दै मिडियामा भ्रामक अभिव्यक्ति दिएको उजुरीका आधारमा प्रहरीले यो कदम चालेको हो । धर्मभित्रका विसङ्गति उजागर गर्ने नाममा कसैको व्यक्तिगत जीवन र चरित्रमाथि सञ्जालबाट प्रहार गर्न पाइन्छ कि पाइँदैन ? के यो सामाजिक सुधारको अभियान हो वा कानुनी दायराभित्र पर्ने साइबर अपराध ? आज हामी यस विवादित घटनाको सम्पूर्ण भित्री पाटो खोतल्नेछौँ , भिडियो अन्तिमसम्म हेर्नुहोला ।

पछिल्लो समय सामाजिक सञ्जालमा धर्म , संस्कृति र आस्थाका विषयलाई लिएर विभिन्न खालका बहस र विवादहरू तीव्र रूपमा सार्वजनिक भइरहेका छन् । प्रकाश सुवेदीसँगको एक टेलिभिजन संवादमा केसीले राधिका दासीको व्यक्तिगत सम्बन्धका विषयमा दिएको अभिव्यक्ति र भारतमा अघोषित श्रीमान रहेको भन्दै लगाएको आरोपपछि यो विषय कानुनी झमेलामा पुगेको हो । धार्मिक आस्थाका गलत अभ्यास र परम्परामाथि प्रश्न उठाउनु सकारात्मक मानिए पनि पुष्ट्याइँबिना सार्वजनिक मञ्चबाट चरित्र हत्या हुने गरी बोल्नु कानुनविपरीत ठहरिन्छ ।

आफ्नो गम्भीर चरित्र हत्या भएको भन्दै राधिका दासीले दिएको जाहेरीपछि साइबर ब्युरोले केसीलाई पक्राउ गरी काठमाडौँ जिल्ला अदालतबाट म्याद थपेर अनुसन्धान अघि बढाएको छ । यस घटनाले सञ्जालमा लोकप्रियता र भ्युज पाउनका लागि अरूको मान-प्रतिष्ठामाथि जथाभाबी टिप्पणी गर्ने शैलीमाथि कडा कानुनी चुनौती खडा गरिदिएको छ ।

अन्धविश्वास र धर्मका नाममा हुने ठगीविरुद्ध आवाज उठाउनु एउटा पाटो हो । तर तथ्यहीन आरोप र अमर्यादित भाषा प्रयोग गरेर कसैको मानमर्दन गर्नु अर्कै विषय हो । सामाजिक अभियान्ताका रूपमा चिनिन चाहनेहरूले अभिव्यक्तिको सीमा र कानुनी मर्यादा भुल्दा यस्ता गम्भीर परिणामहरू व्यहोर्नुपर्ने दृश्य स्पष्ट देखिएको छ ।

विकृतिविरुद्धको आवाज जति नै सह्रानीय भए पनि त्यसले अरूको व्यक्तिगत अधिकार र मर्यादा मिच्नु हुँदैन । तथ्य र प्रमाणविना सञ्जालमा भ्रामक दाबी गरेर चरित्र हत्या गर्ने शैलीले अभियानको मूल मर्मलाई नै धमिल्याइदिन्छ । कानुनको नजरमा सबै बराबर हुने भएकाले यस प्रकरणमा सत्यको जित हुनेछ भन्ने आशा गर्न सकिन्छ ।

प्रतिक्रिया दिनुहोस्