चोरी भएका ५० थान दुईपाङ्ग्रे सवारी साधन सम्बन्धित धनीलाई गरियो हस्तान्तरण

काठमाडौंका विभिन्न स्थानहरुबाट विभिन्न मितिमा चोरी भएका तथा हराएका ५० थान दुईपाङ्ग्रे सवारी साधन प्रहरीले फेला पारी सम्बन्धित धनीहरुलाई बुझाएको छ । विभिन्न मितिमा फेला परेका उक्त मोटरसाइकलहरुको धनीहरु पहिचान गरी बिहीबार प्रहरीले सम्बन्धित मोटरसाइकल धनीहरुलाई हस्तान्तरण गरेका हुन् ।

काठमाडौँ उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक सुरेश प्रसाद काफ्लेद्वारा ३० वटा मोटरसाइकल र २० वटा स्कुटर सम्बन्धित धनीलाई हस्तान्तरण गरिएको हो ।

प्रतिक्रिया दिनुहोस्