रास्वपा सभापति रवि लामिछानेले बोलाए आकस्मिक सर्वदलीय बैठक

बैठकमा प्रतिनिधिसभा र राष्ट्रिय सभामा प्रतिनिधित्व गर्ने सबै राजनीतिक दलहरूलाई आमन्त्रण गरिएको छ , जसमा प्रत्येक दलका पार्टी अध्यक्ष वा सभापतिसहित दुईजना सहभागी हुनुपर्नेछ । महामन्त्री बुर्लाकोटीका अनुसार संसद्मा प्रतिनिधित्व गर्ने सबै दलहरूमा सर्वदलीय बैठकको सूचना सहितको आमन्त्रण पत्र पठाइसकिएको छ । देशको राजनीतिक अवस्था तरल बन्दै गएको बेला रास्वपा सभापति रवि लामिछानेले सिंहदरबारमा यसरी सबै दलका प्रमुखहरूलाई एकै ठाउँमा बोलाउनुलाई राष्ट्रिय राजनीतिमा निकै चासोका साथ हेरिएको छ ।